يتم الأن تنفيد عملية البحث فضلاً انتظر ...

الرئيسية - حصرياً لمنتدى الديفيدي لقاء مع فنانة عظيمة من نوع خاص

حصرياً لمنتدى الديفيدي لقاء مع فنانة عظيمة من نوع خاص

( معلومة الفنانة ممثلة ومطربة وراقصة و....) كما عودناكم على قناة الكواكب نقدم لكم أجمل مفاجأة حتخليك تنسى نفسك ودنيتك واخرتك وابوك وامك ومراتك وجوزك واولادك :crazy000: نقدم لكم فنانة ( قادرة) أقصد قديرة لها باع طويل شعارها ( أحب جمهوري ومقدرش اخبي حاجة عنه) وبصراحة من يوم ما عرفناها وهي مش (بتخبي) اي حاجة عننا :clap0000: فنانة اللي عندها مش ليها فنانة لها مشوار طويل في بيوت الـ.... فنانة محبوبة من زملائها ملهاش عداءات مع زملاء كتير غير حوالي 95% منهم وبس فنانة على خلق بجد بجد على خلق من البيت لبيت الـ.... ومن بيت الـ.... للبيت فنانة ملتزمة بالعادات والتقاليد عمرها مسمحت لنفسها تتأخر برة بيتها بعد الساعة 5 الصبح فنانة محتشمة عمرها مالبست أكتر من البكيني فنانة ضد موضة الأغراء أفلامها لا تتضمن أكتر من 65 مشهد أغراء بس للفيلم الواحد فنانة بيتوتية تحب البيت والأسرة بشكل كبير وتحب الأستقرار ولذلك تزوجت 26 مرة بس أنا مش حتكلم عنها كتير حسيب شريطها السينمائي هو اللي يتكلم وتعرض بعض مشاهد مخلة للفنانة ويعمل زوم على أحد الشباب وقد كسر كرسيه من فرط حبه لتلك الفنانة وزوم اخر على احدى الفتيات تبكي بحرقة لانها تريد ان تقبل الفنانة وزوم أخر على وجه فتاة وهي تقول (حبيبتي) وتبدأ بالبكاء من فرط حبها الشديد طبعاً وتدخل الفنانة ويقطع الجماهير أيديهم من التصفيق لمدة 3 ساعات و20 دقيقة وتتحرك الفنانة بتواضع شديـــــــــــــــــد :in_love0: وتجلس على كرسي واضعة رجلها اليمنى على اليسرى وبدأت المذيعة بالكلام دموع في عين المذيعة :tears: وهي تقول المذيعة: أنا مش عارفة أتكلم عايزالي 10 ساعات أستجمع فيهم نفسي عشان أصدق أنك هنا معانا أرجوكي أقرصيني عشان أصدق وتقوم الفنانة وتقرص المذيعة وتدوي صيحة عالية من المذيعة يعتقد الناس انه حدث زلزال بمقياس 10 ريختر :crazy000: ويعمل زوم على المذيعة وعلى وجهها نظرة غيظ سريعة من ثم تتحول لأبتسامة صفراء وتقول (ولا حسيت بيها هيهي) وتنتظر لحظة ( أعتقد أنها مازالت تتألم) ثم تبدأ الحوار المذيعة: نورتينا الفنانة: بنورك يا حبيبتي المذيعة: تحبي نبدأ بأسئلة الجرأة ولا الأسئلة العلمية؟ الفنانة : الاسئلة العلمية المذيعة: مستعدة؟ الأسئلة صعبة الفنانة : طبعاً مستعدة صعبة سهلة أنا ميهمنيش المذيعة: كم عدد أصابع اليد والقدم في جسم الانسان؟ معاكي وقت 30 دقيقة بس الفنانة: هيهي أحم :in_love0: بصراحة انا عمري ما فكرت اعدهم وبعدين الوقت قصير مش لاحقة اعدهم عموما نقول 13 ونص؟ المذيعة: 13 ونص؟ وعلى وشك قول شئ ما تسمع صوت المخرج عبر ميكروفون الأذن يقول لها (عديها 13 ونص 13 ونص حد سامع اصلاً) فتقول المذيعة: هايـــــــل رااااائع معلومات عامة علمية رائعة أجابتك صحيحة تصفق المذيعة بشدة حتى يصفق الجمهور فيصفق بشدة :clap0000: الفنانة: صحيح؟ ميرسي جداً اصلي بقرأ كتير عن الموضوع دة المذيعة: هيهي السؤال التاني؟ الفنانة: أوك المذيعة: لما بتقومي من النوم بتفتحي عينك الاول ولا تفركي عينك الاول؟ الفنانة: انتي أسألتك صعبة كدة ليه يا سوزي شوفي ساعات كدة وساعات كدة أنا بحب اجاوب بشكل علمي بحت مبحبش الاجابات الدبلوماسية المذيعة: راااائع وكمان يتضح انك فنانة صريحة ما شاء الله وتصفق بشدة كي يصفق الجمهور فيصفق الجمهور بدوره :clap0000: المذيعة: كفاية كدة عشان تقلنا عليكي اوي وأرهقناكي الفنانة: اه جدا بصراحة المذيعة: اوك ندخل على اسئلة الجرأة طبعاً زي ما انتى عارفة لازم اجابات صريحة وواضحة وبدون تفكير أوك؟ الفنانة: أوك طبعاً المذيعة: أمتى دخلتي مجال عملك؟ الفنانة: بصراحة مش فاكرة بالظبط :sly00000: المذيعة: رائع أجابة سريعة جداً ومفكرتيش ومتكسفتيش وانتى بتجاوبي بشكرك بشدة السؤال التاني: اول قصة حب في حياتك؟ الفنانة: ااااه فكرتيني بأيام زماااااااااااااااان وتستدرك الفنانة انها تدعي صغر السن وتقول: قصدي من حوالي 4 سنين كدة يعني ما كنت على علاقة بالممثل العالمي ديفيد سمحون وهو يهودي ولعلمك أهلي ما اعترضوش خالص بل بالعكس شجعوني جدا وقالولي على بركة الله حد لاقي لكن بصراحة انا اللي سيبته لانه كان فيه عيب خطير المذيعة: لو مفيهاش تتطفل تقولي اية هو العيب؟ الفنانة: طبعاً طبعاً انا مبخبيش حاجة عن جمهوري كعادتي دايماً هو عيبه اللي كان معاه يستحيل الزواج منه هو ان صباع رجله الكبير اقصر من الصباع اللي بعده :crazy000: الجمهور يلطم ويشهق بصوت عالي للغاية المذيعة: معقولة ؟؟؟؟؟؟؟؟؟؟؟؟؟ أنا مش مصدقة نفسي وياترى كان مخبي عليكي من الاول ولا كنتي عارفة؟ الفنانة: لأ للأسف كان مخبي واكتشفت بالصدفة لما الشبشب بتاعه اتزحلق منه مرة واحنا بنتمشي في شارع الشانزليزيه في ألمانيا وطبعاً انا شفت المفاجأة ويومها قطعت العلاقة فوراً المذيعة: ياللا معلش خيرها في غيرها وتتعوض صحتك عندنا بالدنيا الفنانة : ايييييييييييه دنيا المذيعة: الأسئلة أنتهت كلمينا بقى عن مشاريعك الفنية المقبلة الفنانة: أبداً ناويين نفتح كام بيت .... في مختلف أنحاء العالم لأننا بنهدف للعالمية زي ما انتي عارفة وبنبحث عن كام فتاة ملتزمة بقواعد واخلاقيات المهنة وكام فيلم ..... وبندور برضو على فتيات وشباب مناسبين وعندهم طموح وحب للتطوير المذيعة: ربنا يفتحها في وشك ودلوقتي نحب نسمع منك أي حاجة بقى الفنانة: انا حابة أسمعكم أغنية جديدة من تأليفي وتلحيني عشان مكنش عندي وقت ابعت لملحن ومؤلف يعملولي أغنية فقلت أنجز في الوقت لاني مضطرة اغنيها في الكباريه اللي بشتغل فيه 3 ايام في الاسبوع وبعدين انتي عارفة اهتمامي بإنتقاء الكلمات واللحن الاغنية اسمها قطعني يا معلم المذيعة: هايل أتفضلي متشوقين نسمع الفنانة تغني والجمهور يرقص بطريقة هستيرية قبل أن تبدأ الفنانة في الغناء وكأنه مبرمج قطعني يا معلم .... اه ونص شكراً يا معلم .... لأ لأ ليه بس يا معلم .... :crazy000::crazy000::crazy000::crazy000::crazy000: :crazy000: كفاية كدة عشان محرقش الأغنية المذيعة: ألف شكر ليكي ونورتينا النهاردة وأسفين اننا طولنا عليكي وأخدنا من وقت الثمين كل دة الفنانة: حقيقي أنا سعيدة جداً باللقاء دة ومش عايزة أروح بيتي بجد يعني وأحب أشكر جمهوري اللي بحبه جدااااااااااااااااا وتوزع قبلات للجمهور الذي يجري عليها ويرفعها من على الأرض هاتفاً بأسمها وكانه يقوم بمظاهرة ضد الدنمارك ويخرج بها للشارع ليركبها سيارتها الفارهة وبعد ذلك يجري كل واحد من الجمهور ليلحق بأخر أتوبيس قبل ما المواصلات تشطب... وإلى اللقاء مع اعمال حصرية أخرى وحسبي الله ونعم الوكيل في اللي أفسدوا عقل الشباب حسبي الله ونعم الوكيل حسبي الله ونعم الوكيل

المصدر http://dvd4arab.com/showthread.php?t=202442

---

[ العاب فلاش - دردشة - رسائل حب - قصائد- اجابة - برامج - تفسير الاحلام - منتديات - ازياء- رسائل ]

جميع الحقوق محفوظة © دور    خريطة الموقع